3 Nouvèl Nan 1 Jounen pou TeamChokarella
M pa ka jwenn mo pou mwen eksplike nou kijan mwen te kontan tounen sou radyo lendi 6 jen an. M pa yon espòtif men m rete kwè sa’m te santi a prèt pou sanble a sa yon jwè foutbòl santi lè ekip li ap genyen. Nou pap imajine kijan sa fè mwen byen lè mwen konnen tout fidèl oditè yo toujou la san mwen pa bezwen fè twòp efò pou mwen al retire yo nan woutin yo te gentan genyen pandan absans mwen. Youn nan kle 🔑 siksè nan radyo fòk ou konsistan, fòk ou delivre machandiz la lè kliyan (odyans) ou ap tann li a. Sa ka rive ou fè kèk fo pa men an jeneral si ou rete konsistan wap ka fidelize kliyantèl la ✅.
Tout twit, SMS, Whatsapp, apèl prive ak sou radio a mwen resevwa banm definitivman kouraj pou mwen kontinye e fè’m reyalize yon lòt fwa ankò poukisa mwen ap fè sa map fè a. Pouki mwen renmen karyè mwen te chwazi a. Yon lòt fwa mèsi anpil. M’ap voye yon gwo kout chapo tou pou direksyon ak pèsonel Radio One nan ki toujou sipòte mwen nan tout bagay. Mèsi pou chèk la menm si m travay Selman 5 jou nan mwa me a. 😜
Sonje nan blogpost avan an mwen te di inovasyon ak nouvoute yo ap vini progresisman nan? Cool! 😎 Se ak plezi mwen ap anonse nou 3 gwo nouvèl pou #TeamChokarella Jodi a.
- Chokarella App Update
Nou update aplikasyon mobil Chokarella pou iOS ak Android. Nou fikse anpil bòg e nou ajoute yon Instant Messanging System ki ap pèmèt tout moun ki ap itilize app la kominike ansanm nenpòt lè ak mesaj tèks.
Swipe Menu ak Pwofil
List moun kap itilize app la
Fenèt chat ou
Lis konvèsasyon ou
ou ka telechaje app la sou lyen sa yo.
iOS: bit.ly/ioschokarella
Android: bit.ly/androidchokarella
- Chokarella Podcast Update
Nou finalman update podcast Chokarella sou iOS. Kounye a ou ka retande tout emisyon Chokarella, entèvyou ak tout lòt son nou poste pou ou direkteman sou iPhone, iPad, iPod Touch, iTunes ou byen sou apple TV ou. Se pratikman yon fason pi fasil pou moun ki pa vle al nan kase tèt yo pou jwenn yon klip odyo ou byen yon lòt bagay ki pase nan Chokarella ke yo te rate paske yo pat branche.
Ou ka enskri sou podcast la kounye a: bit.ly/chokarellapodcast
Retande tout #chokarella yo sou app podcast ki sou iOS devices ou! pic.twitter.com/j8yQ3wS2cd
— carel pedre (@carelpedre) June 7, 2016
- Chokarella Internship
Nou te plede ap anonse sa depi mwa avril kite pase a kounye a li se yon reyalite li. Nou ap pran aplikasyon pou moun ki ta renmen vinn fè estaj nan Chokarella pou vinn aprann koman nou fonksyone epi vinn pataje konesans yo avèk nou tou. Estaj la ap dire 3 mwa soti 20 jen rive 23 septanm 2016. Yon moun ka aplike sou lyen sa a jouk vendredi 10 jen.
Fòm aplikasyon pou estaj nan Chokarella http://bit.ly/2134eEN
M kontan pataje nouvèl sa yo avèk nou e envite nou poste yon review sou app la ak podcast la epi tanpri depose yon ti kòmantè nan blogpost yo sa ap fè mwen anpil plezi.
*Pa bliye tout sa nou ap fè yo se gras a Digicel ak Hinoto SA ki sipòte nou.
Related Post
Bèl bagay baz, m’dakò. M’kontan Jan’w tounen an. kontinye reprezante peyi a.
Hi bro